Fang bekkir við Hjálparfoss

Fang bekkirnir okkar falla einkar vel að landslaginu og eru staðsettir við ýmsar náttúruperlur landsins. Hér má sjá Drumb úr fang vörulínunni  við Hjálparfoss.

Gengið á gleri og grjóti

Á Íslandi fellur til um 6000 tonn af drykkjargleri árlega, sem er mulið og notað í landfyllingar og urðað.
Vatn er verðmæti sem við viljum halda inn í vistkerfinu og ofanvatnslausnir þar sem hugað er sérstaklega að þessu er krafa samtímans.
Eiginleikar efnisins að hleypa vatni í gegnum sig ásamt því að nota innlent malarefni og endurunnið hráefni, gerir vöruna sérlega áhugaverða, sem vistvæna nálgun, auk þess sem hægt er að leika sér með margbreytiliegar áferðir.

Verkefnið Gengið á gleri og grjóti, er sprottið úr hugmynd frá árinu 2010 þegar undirrituð var að vinna að hönnun Hörputorgsins og  er búið að vera í þróun með hléum síðan.  Um er að ræða yfirborð úr annars vegar malarefni og hins vegar gleri.   Malaryfirborðið hefur verið vottað erlendis og er tilbúið til notkunar, en gleryfirborðið hefur verið í þróun, þar sem aðferðir til að tromla það og þurrka hafa verið prufaðar.  Efnið var fyrst kynnt í Toppstöðinni á Hönnunar Mars árið 2012.

Samstarfsaðilar verkefnisins fram að þessu hafa verið Endurvinnslan, Gnýr , Garðvélar og Þorleifur Geirsson.

Furnibloom

FurniBloom gróðurhúsgögn voru fyrst sýnd á hönnunarsýningunni Magma Kvika á Kjarvalstöðum árið 2007.  Hugmyndafræði húsgagnanna er að nýta garðhúsgögn jafnframt sem ræktunarpláss til skrauts eða nytja.  Þau voru hluti af innsetningu sem Dagný hannaði sem fjallaði um tengsl hússins við garðinn.  Húsgögnin vöktu strax mikla athygli, umfjöllun um þau má finna í ótal tímaritum og heimasíðum er fjalla um hönnun og vistvæna nálgun.  Þau hafa verið sýnd á ýmsum hönnunarsýningum innanlands og utan, má þar nefna Stockholm Furniture fare 2011 og IF -Innovation festival í Vilnius árið 2011 og húsgögnin voru hluti af sýningarhönnun New Nordic Landscapes, sem var hliðarverkefni við Expo í Shanghai árið 2010.

Hér má sjá heimasíðu Furnibloom með fleiri myndum