Þróunarverkefni, sýningar og innsetningar
DLD hefur tekið þátt í metnaðarfullum þróunarverkefnum, nýjasta dæmið er verkefnið „Hæg breytileg átt“. Hæg breytileg átt er vettvangur þverfaglegrar vinnu þar sem unnar eru hugmyndir er varpa ljósi á vistvænni, samfélagsmeðvitaðri, hagkvæmari og framsæknari íbúðarkosti í íslensku þéttbýli á 64. breiddargráðu í miðju Atlantshafi“ eins og segir á heimasíðu verkefnisins. Hér má sjá verkefni hópsins Lókal glóbal sem DLD var hluti af, þar sem tekin var fyrir þétting byggðar í Múlum, með grænum áherslum og fókus á deilihagkerfið.
Í gegnum tíðina hefur Dagný hannað ýmsar innsetningar og muna margir eftir gulu blómabreiðunni sem náði frá tjörninni að Norrænahúsinu.
