Image Image Image Image Image
Scroll to Top

To Top

Verk

On 22, Sep 2015 | No Comments | In | By Dagný

fang – útihúsgögn

fang – framleiðsa afurða úr nytjaskógi í grend.
Fang er vörumerki útihúsganga, þar sem hönnuðurnir Dagný Bjarnadóttir landslagsarkitekt og Hildur Gunnarsdóttir arkitekt hafa hannað hvor sína útfærslu af útihúsgögnum. Hugmyndafræðin sem þær þróðu saman gengur út á að nýta íslenskan skógarvið og skapa atvinnu á smíðaverkstæðum Litla Hrauns.

DLD selur tvær týpur af fang bekkjum, annars vegar Drumb sem er beinn bekkur og hins vegar Sveiflu sem er bogadreginn, en honum er hægt að raða í langa slöngulínu ef vill.

Drumbur
Drumbur er unninn úr heilum trjádrumb og tekur bekkurinn afleiðingum þess í breidd og lögun. Trjábolurinn er sneiddur í tvennt og næst þannig í tvo bekki úr neðsta hluta bolsins.
Náttúrulegt form trésins heldur sér að neðanverðu í bekknum og má sjá vaxtarlag þess bæði á hlið og eftir endilöngu.  Engir tveir bekkir eru eins þar sem lögun trésins ræður endanlegu útliti.
Fæturnir eru úr flatjárni sem er pólýhúðað grátt. Gert er ráð fyrir að bekkurinn sé boltaður niður.

Stærð: Bekkurinn er 220cm langur, 42,5cm að breidd og hæðin er 43,5cm.

Sveifla
Sveifla er bogadreginn bekkur sem má raða saman í langa slöngulaga línu, eða nota sem stakan bekk. Bekkurinn lýtur sömu lögmálum og Drumbur að því leiti að viðurinn heldur lögun sinni að neðanverðu, en viðurinn í Sveiflu snýr þvert á lengdina. Efni í fótum er pólýhúðaðar stálplötur og er einnig gert ráð fyrir að bolta Sveiflu niður.

Stærð: Stærð: Radíus á innri brún er 5m, lengd þvert á miðju 211 cm breidd 60 cm og hæð 43,5 cm

Nánari upplýsingar um verð og afhendingu, hafið samband við DLD

Hér má sjá Facebooksíðu fang- útihúsgagnanna og fleiri myndir